ಬೆಳ್ತಂಗಡಿ:ಕೇಮಾರುವಿನಿಂದ ಗುರುವಾಯನಕೆರೆಗೆ ವಿದ್ಯುತ್ ಪೊರೈಕೆಯಾಗುತ್ತಿರುವ 110 ಕೆವಿ ವಿದ್ಯುತ್ ಲೈನ್‌ನ ಗ್ರೌಂಡ್ ವಯರ್ ಅಳದಂಗಡಿ ಸಮೀಪದ ಪಿಲ್ಯದಲ್ಲಿ ಟವರ್ ಸಂಖ್ಯೆ 163 ರಲ್ಲಿ ಇವತ್ತು ಮಧ್ಯಾಹ್ನ 2 ಗಂಟೆ ಸುಮಾರಿಗೆ ತುಂಡಾಗಿ ಹಾನಿಯಾಗಿದೆ.ಇದರಿಂದಾಗಿ ಬೆಳ್ತಂಗಡಿ ತಾಲೂಕಿನಾದ್ಯಂತ ವಿದ್ಯುತ್ ವ್ಯತ್ಯಯ ಉಂಟಾಗಿದೆ.
ಈಗಾಗಲೇ ದುರಸ್ತಿಗೊಳಿಸಲು ಮಂಗಳೂರಿನಿಂದ ಅಧಿಕಾರಿಗಳು ಹಾಗೂ ಸಿಬ್ಬಂದಿಗಳು ಆಗಮಿಸಿದ್ದು ದುರಸ್ತಿ ಕೆಲಸ ನಡೆಯುತ್ತಿದೆ.ಸಂಜೆ 7 ಗಂಟೆಯ ಒಳಗೆ ದುರಸ್ತಿ ಆಗಬಹುದು ಎಂಬ ಮಾಹಿತಿಯನ್ನು ಅಧಿಕಾರಿಗಳು ಪ್ರಜಾಪ್ರಕಾಶ ನ್ಯೂಸ್ ಗೆ ನೀಡಿದ್ದಾರೆ.