ಪ್ರಪಂಚದಾದ್ಯಂತ ವಾಟ್ಸ್ಅ್ಯಪ್, ಇನ್ ಸ್ಟಾಗ್ರಾಂ, ಫೇಸ್ ಬುಕ್ ಡೌನ್, ಬಳಕೆದಾರರ ಪರದಾಟ.

 

 

 

ದೆಹಲಿ: ಪ್ರಪಂಚದಲ್ಲಿ ಅತಿ ಹೆಚ್ಚು ಬಳಕೆಯಲ್ಲಿರುವ ವಾಟ್ಸ್​ಆ್ಯಪ್​,ಇನ್​​ಸ್ಟಾಗ್ರಾಂ ಹಾಗೂ ಫೇಸ್​ಬುಕ್​​​ ಹಾಗೂ ಮೆಸೆಂಜರ್​​ ಇಂದು ಸಂಜೆ ಕ್ರಶ್​ ಆಗಿದ್ದು, ಅನೇಕ ದೇಶಗಳಲ್ಲಿ ಬಳಕೆ ವೇಳೆ ಸಮಸ್ಯೆ ಉಂಟಾಗಿದೆ.

ಸೋಷಿಯಲ್​ ಮೀಡಿಯಾ ಬಳಕೆ ಮಾಡುತ್ತಿದ್ದ ಸಂದರ್ಭದಲ್ಲಿ ಅನೇಕ ಜನರು ತೊಂದರೆಗೊಳಗಾಗಿದ್ದು, ಇದಕ್ಕೆ ಸಂಬಂಧಿಸಿದಂತೆ ಟ್ವಿಟರ್​ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ತಾಂತ್ರಿಕ ಸಮಸ್ಯೆಯಿಂದಾಗಿ ಈ ತೊಂದರೆ ಕಾಣಿಸಿಕೊಂಡಿದ್ದು, ಇಂದು ಸಂಜೆಯಿಂದಲೇ ಈ ಸಮಸ್ಯೆ ಉಂಟಾಗಿದೆ.

 

 

ಫೇಸ್​ಬುಕ್​, ಇನ್ಸ್​ಸ್ಟಾ ಹಾಗೂ ವ್ಯಾಟ್ಸ್​​ಆ್ಯಪ್​ ಓಪನ್ ಮಾಡಿದ ಸಂದರ್ಭದಲ್ಲಿ ಕ್ಷಮಿಸಿ, ಏನೋ ತಪ್ಪಾಗಿದೆ ಆದಷ್ಟು ಬೇಗ ಈ ಸಮಸ್ಯೆ ಬಗೆಹರಿಸಲಿದ್ದೇವೆ ಎಂಬ ಸಂದೇಶ ಕಾಣಿಸಿಕೊಂಡಿದೆ.ಇದಕ್ಕೆ ಸಂಬಂಧಿಸಿದಂತೆ ಪ್ರತಿಕ್ರಿಯೆ ನೀಡಿರುವ ಫೇಸ್​​ಬುಕ್​​ ನಮ್ಮ ಆ್ಯಪ್​ ಹಾಗೂ ಉತ್ಪನ್ನಗಳ ಬಳಕೆಯಲ್ಲಿ ಗ್ರಾಹಕರು ಸಮಸ್ಯೆ ಅನುಭವಿಸುತ್ತಿರುವುದು ನಮ್ಮ ಗಮನಕ್ಕೆ ಬಂದಿದೆ. ಈ ಸೇವೆಯನ್ನ ಆದಷ್ಟು ಬೇಗ ಸಹಜ ಸ್ಥಿತಿಗೆ ತರಲು ನಾವು ಪ್ರಯತ್ನಿಸುತ್ತೇವೆ. ಹಾಗೂ ಬಳಕೆದಾರರಿಗೆ ಆಗಿರುವ ಸಮಸ್ಯೆಗೆ ನಾವು ಕ್ಷಮೆ ಕೇಳುತ್ತೇವೆ ಎಂದು ಹೇಳಿಕೊಂಡಿದೆ.

 

 

ಭಾರತದಲ್ಲಿ ಅತಿ ಹೆಚ್ಚಿನ ಜನರು ಸೋಶಿಯಲ್ ಮೀಡಿಯಾ ಬಳಕೆ ಮಾಡುತಿದ್ದು, ಪ್ರಮುಖವಾಗಿ ಫೇಸ್​ಬುಕ್​​, ಟ್ವಿಟರ್​, ಇನ್ಸ್​ಸ್ಟಾಗ್ರಾಂ ಹಾಗೂ ವಾಟ್ಸಾಪ್​ನಲ್ಲಿ ಅತಿ ಹೆಚ್ಚಿನ ಜನರು ಸಕ್ರಿಯರಾಗಿರುತ್ತಾರೆ. ಕಳೆದ ಕೆಲ ದಿನಗಳ ಹಿಂದೆ ಕೇಂದ್ರ ಸರ್ಕಾರ ಹೊಸ ಮಾರ್ಗಸೂಚಿ ರಿಲೀಸ್ ಮಾಡಿದ್ದು, ಇದೀಗ ಸಾಮಾಜಿಕ ಮಾಧ್ಯಮ ವೇದಿಕೆಗಳಾದ ಫೇಸ್​​ಬುಕ್​, ಇನ್ಸ್​ಸ್ಟಾಗ್ರಾಂ ಹಾಗೂ ಟ್ವಿಟರ್​​ ಹೊಸ ಮಧ್ಯವರ್ತಿ ಮಾರ್ಗಸೂಚಿಗಳನ್ನು ಅನುಸರಿಸುತ್ತಿದೆಯಾ ಎಂದು ಪರಿಶೀಲನೆ ಮಾಡಲು ಮುಂದಾಗಿದೆ. ಹೀಗಾಗಿ ತಾಂತ್ರಿಕ ಕಾರಣದಿಂದಾಗಿ ಎಲ್ಲ ಸರ್ವರ್​ ಡೌನ್ ಆಗಿವೆ.

 

 

ಭಾರತದಲ್ಲಿ 410 ಮಿಲಿಯನ್​ಗಿಂತಲೂ ಹೆಚ್ಚಿನ ಬಳಕೆದಾರರು ಫೇಸ್​ಬುಕ್​ ಬಳಕೆ ಮಾಡ್ತಿದ್ದು, ವಾಟ್ಸ್​ಆ್ಯಪ್​​​ 530 ದಶಲಕ್ಷಕ್ಕೂ ಅಧಿಕ ಬಳಕೆದಾರರನ್ನ ಹೊಂದಿದ್ದು, ಇನ್​​​ಸ್ಟಾಗ್ರಾಂನಲ್ಲಿ 210 ಮಿಲಿಯನ್​ ಬಳಕೆದಾರರು ಇದ್ದಾರೆ.

error: Content is protected !!