ಕರಾಯ: ತಾಲೂಕಿನ ಹಲವೆಡೆ ನಿನ್ನೆ ರಾತ್ರಿ ಭಾರೀ ಗಾಳಿ ಮಳೆ ಸುರಿದಿದ್ದು ಹಲವೆಡೆ ಅನಾಹುತಗಳು ನಡೆದಿವೆ. ಅಲ್ಲಲ್ಲಿ ರಸ್ತೆಗಳಿಗೆ ಮರದ ಕೊಂಬೆ ಮುರಿದು ಬಿದ್ದು ಸ್ಥಳೀಯರ ಸ್ಪಂದನೆಯಿಂದ ಸಂಚಾರಕ್ಕೆ ಹೆಚ್ಚಿನ ಅಡಚಣೆಯಾಗಿಲ್ಲ. ಹಲವೆಡೆ ಕೃಷಿಕರಿಗೆ ಸಮಸ್ಯೆ ಉಂಟಾಗಿದ್ದು, ಹಲವೆಡೆ ಅಡಕೆ ಮರಗಳು ಗಾಳಿಗೆ ಧರಶಾಹಿಯಾಗಿ ನಷ್ಟ ಸಂಭವಿಸಿದೆ.
ಸೋಮವಾರ ಸಂಜೆಯ ಭಾರೀ ಮಳೆಗೆ ಕರಾಯ ಸಮೀಪದ ಪೆಟ್ರೋಲ್ ಪಂಪ್ ನ ಅವರಣ ಗೋಡೆ ಕುಸಿದಿದ್ದು ಸಮೀಪದಲ್ಲಿ ನಿಲ್ಲಿಸಿದ ಲಾರಿಯೊಂದು ಪಲ್ಟಿಯಾಗಿದೆ.
ಈಗಾಗಲೇ ಬಿಸಿಲಿನ ಬೇಗೆಯಲ್ಲಿ ತತ್ತರಿಸುತ್ತಿರುವ ಜನತೆ ಇಂತಹ ಭಾರೀ ಗಾಳಿಯಿಂದಾಗಿ ಆತಂಕಪಡುವಂತಾಗಿದೆ.