ಕ್ಯಾಲಿಫೋರ್ನಿಯ: ಮಾರ್ಕ್ ಝುಕರ್ ಬರ್ಗ್ ವಿಶ್ವದ ಎರಡನೆ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿ ಹೊರಹೊಮ್ಮಿದ್ದಾರೆ.
ಮೆಟಾ ಪ್ಲಾಟ್ ಫಾರ್ಮ್ಸ್ ಇಂಕ್ ಷೇರು ಮೌಲ್ಯ ಏರುತ್ತಲೇ ಹೋಗುತ್ತಿರುವುದರಿಂದ ಅಮೆಝಾನ್ ಒಡೆಯ ಜೆಫ್ ಬೆಝೋಸ್ ರನ್ನು ಹಿಂದಿಕ್ಕಿದ ಮೆಟಾದ ಸಹ ಸಂಸ್ಥಾಪಕ ಹಾಗೂ ಕಾರ್ಯಕಾರಿ ಅಧಿಕಾರಿಯಾದ 40 ವರ್ಷ ವಯಸ್ಸಿನ ಮಾರ್ಕ್ ಝುಕರ್ ಬರ್ಗ್ ವಿಶ್ವದ ಎರಡನೆ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ.
ಬ್ಲೂಮ್ ಬರ್ಗ್ ಬಿಲಿಯನೇರ್ಸ್ ಸೂಚ್ಯಂಕದ ಪ್ರಕಾರ, ಮೆಟಾವರ್ಸ್ ನ ಷೇರು ಮೌಲ್ಯವು ಇತ್ತೀಚಿನ ತಿಂಗಳುಗಳಲ್ಲಿ ಏರಿಕೆ ಕಾಣುತ್ತಿರುವುದರಿಂದ, ಅದರ ಒಟ್ಟಾರೆ ಮೌಲ್ಯವು 206.2 ಬಿಲಿಯನ್ ಡಾಲರ್ ದಾಟಿದೆ. ಮಾರ್ಕ್ ಝುಕರ್ ಬರ್ಗ್ ಟೆಸ್ಲಾ ಇಂಕ್ ಒಡೆಯ ಎಲಾನ್ ಮಸ್ಕ್ ಗಿಂತ 50 ಬಿಲಿಯನ್ ಹಿಂದಿದ್ದರೂ ಅಮೆಝಾನ್ ಇಂಕ್ ಒಡೆಯ ಬೆಝೋಸ್ ಗಿಂತ 1.1 ಬಿಲಿಯನ್ ನಷ್ಟು ಮುಂದಿದ್ದಾರೆ.
ಈ ವರ್ಷದ ಶ್ರೀಮಂತಿಕೆಯ ಸೂಚ್ಯಂಕದಲ್ಲಿ ಇವರು 4 ಸ್ಥಾನಗಳನ್ನು ಪಡೆದಿದ್ದಾರೆ.