ಲಂಡನ್: ಲಾರ್ಡ್ಸ್ನಲ್ಲಿ ನಡೆದ 2ನೇ ಟೆಸ್ಟ್ ಪಂದ್ಯದಲ್ಲಿ 272 ರನ್ಗಳ ಟಾರ್ಗೆಟ್ ಬೆನ್ನತ್ತಿದ ಇಂಗ್ಲೆಂಡ್ ಭಾರತೀಯ ಬೌಲರ್ಗಳ ದಾಳಿಗೆ ಕಂಗೆಟ್ಟು ಸೋಲನ್ನು ಅನುಭವಿಸಿದೆ.
ಐದು ಪಂದ್ಯಗಳ ಟೆಸ್ಟ್ ಸರಣಿಯ ಎರಡನೇ ಪಂದ್ಯದಲ್ಲಿ ಭಾರತ ತಂಡ ರೋಚಕ ಗೆಲುವು ಸಾಧಿಸಿದ್ದು, ಈಗ 1-0 ಮುನ್ನಡೆಯಲ್ಲಿದೆ.
ಎರಡನೇ ಟೆಸ್ಟ್ ಪಂದ್ಯದಲ್ಲಿ ಸಂಕಷ್ಟದಲ್ಲಿದ್ದ ಟೀಂ ಇಂಡಿಯಾಗೆ ಸೋಮವಾರ (ಐದನೇ ದಿನ) ಮೊಹಮ್ಮದ್ ಶಮಿ 56 ರನ್ (ನಾಟ್ ಔಟ್) ಮತ್ತು ಜಸ್‌ಪ್ರೀತ್ ಬೂಮ್ರಾ 34 ರನ್ (ನಾಟ್ಔಟ್) ಆಸರೆ ನೀಡಿ ಮತ್ತೆ ಭಾರತ ತಂಡ ಪುಟಿದೇಳುವಂತೆ ಮಾಡಿದ್ದರು. ಈ ಮೂಲಕ ಇಂಗ್ಲೆಂಡ್ಗೆ 272 ರನ್ ಗುರಿ ನೀಡಲು ಟೀಂ ಇಂಡಿಯಾಗೆ ಸಾಧ್ಯವಾಯಿತು. ಇದಾದ ಬಳಿಕ ಬೌಲಿಂಗ್ನಲ್ಲಿ ಮಿಂಚಿದ ಭಾರತದ ಬೌಲರ್ಗಳ 51.5 ಓವರ್ಗಳಲ್ಲಿ 120 ರನ್ಗೆ ಇಂಗ್ಲೆಂಡ್ ಅನ್ನು ಆಲ್ ಔಟ್ ಮಾಡಿದ್ದು, ಡ್ರಾ ಆಗುವ ಸಾಧ್ಯಗಳಿದ್ದ ಪಂದ್ಯದಲ್ಲಿ ಟೀಂ ಇಂಡಿಯಾ ಗೆಲುವಿನ ನಗೆ ಬೀರಿದೆ.
ಭಾರತ ಪರ ಮೊಹಮ್ಮದ್ ಸಿರಾಜ್ 4, ಜಸ್‌ಪ್ರೀತ್ ಬೂಮ್ರಾ 3, ಇಶಾಂತ್ ಶರ್ಮಾ 2, ಮೊಹಮ್ಮದ್ ಶಮಿ ಒಂದು ವಿಕೆಟ್ ಪಡೆದು ಮಿಂಚಿದ್ದಾರೆ.